كرسي الاعتراف

العوافي شباب
بما انو قررت لحالي افتح فرع تحقيق فشوفو شو طلع معي
هي لعبي جديدي منرشح واحد يقعد على كرسي الاعتراف اسبوع وأحسنلو يجي لحالو بدون ما نبعث الدورية
وكل الاعضاء بيصيرو محققين يعني أي عضو بيحقلو يسأل المعترف أي شي بيخطر ببالو
بس منراعي خصوصية الاسم الحقيقي للي بدو
وبس يخلص دورو ويطلع براءة بيرشح واحد بدالو وهيك
بنتمنى الاجابة الصريحة والواضحة!
وبنطلب من ادارة المنتدى تبليغ العضو اللي بيوقع عليه الترشيح أحسن ما يقلنا ( ماحدا خبرني )
وبما اني ديمقراطي كثير قررت اتبرع وكون أول واحد على الكرسي

يلا اسالوني لشوف


ثمة كرسي كهربائي ما


الكونت

احم احم يا نوري جبلي الكونت لشوف
يالله يا ابني بسرعة
اسمك
عمرك
سكنك
شو بتشتغل
جاوب بسرعة لان راح حولك ليوم من عندي

وين هربان ياكونت
عم نستنا جلوسك بس حاليا بدون كهربا
هههههههههههههههههههههههههههههههه

جاوب على اسئلة الغالية نرجس
شايلك مصنف اسئلة
:&*أحلام*&:

نرجس مين نوري ليكون خيو للمساعد جميل دخيل عمرك بلا مايجي
أن من الاول جيت لحالي

اسمي الكونت نرجس قلنا في حق الاحتفاظ بالاسم الحقيقي
عمري : كل العصور أنا بها فكأن عمري ملاييناً من السنوات
عمري 30 عاماً
سكني بالعالم السفلي مستقر بس قبل كنت بأم الرمان
شغلي فني مخبري بالمشفى ( بيسمونا بالمشفى مصاصين الدماء )


هلا بالرحال القديم من زمان والله ما نور المنتدى هيك
الله يجيرنا من أسئلتك
ثمة اعترافات ما


الكونت

في تحقيق وأني مش عارفي

جيت بسرعة لحق اسأل كم سؤال

الكونت :

كم ساعة بتقعد على النت ؟ وبكم منتدى مشارك ( وبصراحة )

شو هوي الحلم الي عايش منشانو والهدف الي عم تسعى لتحققو

وين بتعتقد رح تكون بعد تلاثين سنة وشو بتتوقع يكون وضعك

إذا خيروك بين المصباح السحري الي بحققلك كل أمنياتك وفرد من افراد عيلتك

شو بتختار ؟

ولادك المستقبليين .. رح تخليهن بالعالم السفلي متلك ولا رح تسفرن للواقع يشوفو

حياتن ؟

مرحبا جاز
خليتي شي سؤال ما قلتيه بالله اذا نسيتي شي رجعي خبريني

كم ساعة بتقعد على النت ؟ وبكم منتدى مشارك ( وبصراحة )
والله حسب الدوام بس أحيان بتوصل 7 ساعات
وبكم منتدى مشارك في فرق بين منتدى مسجل فيه ومنتدى عبشارك فيه
أنا مسجل يمكن بشي 10 منتديات بس بشارك ب3 منهن

شو هوي الحلم الي عايش منشانو والهدف الي عم تسعى لتحققو
من الخطأ انو نقول عنا حلم واحد أو هدف واحد
لكا مرحلي من العمر حلم وهدف منها ما يتحقق ومنها ما ينطوي بالذاكرة محدثاً ألماً
حالياً حلمي هاجر برات سوريا
وهدفي حقق الاستقرار وهذا كمان مفهوم ضبابي لأنو الاستقرار مفهوم نسبي مش الكل بيشوفو نفس الشي
بس هدفي اقدر اشتري بيت ولاقي شريكة حياتي مع اني ما بعتبر هيك استقرار بس هذا أدنى حد


وين بتعتقد رح تكون بعد تلاثين سنة وشو بتتوقع يكون وضعك
والله بعتقد بالقبر لأني مارح عيش للستين هيك حاسس
أما كيف وضعي رح كون مستلقي ومستمتع بالراحة

إذا خيروك بين المصباح السحري الي بحققلك كل أمنياتك وفرد من افراد عيلتك

شو بتختار ؟
منطقياً رح قلك بختار المصباح لأنو اذا بيحققلي كل امنياتي فيني رجع الفرد اللي راح من عيلتي
وبيظلو معي

ولادك المستقبليين .. رح تخليهن بالعالم السفلي متلك ولا رح تسفرن للواقع يشوفو

حياتن ؟

اكيد رح خليهن بالعالم السفلي ليشوفو الواقع من مراقب خارجي ويعرفو كل ابعادو بعدين اذا حبو يطلعو
ما عندي مشكلي بس ما بعتقد رح يحبو الواقع لأنو اذا اتغير عن ماهوي عليه أنا رح اطلع وطالما هوي ذاتو ما رح
يحبوه


ثمة أسئلة رشاً ما



الكونت

يه ليش شفت شي ؟؟؟ بعد في كتير وبتمنى من الكل انو يرضي فضولو ويجي يسأل

الأسئلة التالية ؟؟؟

اوصف العالم السفلي بكل ما في من دقائق وأشخاص و أماكن وأجواء .. وكل شي في ..

أعطي مواصفات الزوجة المستقبلية ؟

باعتقادك رح تضل أنت بالعالم السفلي او شي يوم رح تطلع لعالم آخر ؟؟ ومش ضروري عالمنا


شو بعد فييييييييي ؟؟؟

أي

خبرنا شو احلا طباعك وشو الاشيا الي بتكرها بحالك


والأسئلة التاني عالطريق

يلا اسا هدول بيكفو

ياسمين ايمتا بدك تروحي للدوام صرت اتمنى ما تعطلو يوم الجمعة

طيب شوفي العالم السفلي شو يعني
عندما يصبح الموت تكامل لأحزاننا تكون المفاضلة بين أسباب الاستمرار بالحياة قد وصلت الى طريق مسدود
وتلك حالة انعتاق الوقت من دورتة الطبيعيه
والارواح المتمردة هي التي تبقى في اعتلاجها حتى تكسر عقارب الساعة
و تصنع من غياهب الموت عالم آخر تستطيع فيه تكامل أخزانها دون موت

وبذلك تنفي صفة الولادة الجديدة عن المستقبل وتصبح الحياة امتداداً روحياً والالوهة رمز توحد مع الذات
وان اتحدت الروح مع عالم الحزن فليس هناك معنى للانكسار وسيصبح فقط التجدد هي الولادة
وهي امتداد للموت
يجب أن نلغي المسافة بيننا وبين الحزن حتى لانشعر به


هذا جوهر عالمي السفلي الذي يلغي التأرجح بين الاستمرار والتوقف ويصبح لديك خيار واحد
هو الاستمرار بالموت حتى تصل لولادة حقيقية لأنك تملك طموحاً وتسعى لتحقيقه
باختصار يعني
عندما نعيش واقع التفاؤل بخيالنا يصبح الموت صدمة
وعندما نعيش الموت يصبح التفاؤل حلم بالولادة
فلا تهمنا انكساراتنا في سبيل طموحنا
و تصنع من غياهب الموت عالم آخر تستطيع فيه تكامل أخزانها دون موت

أما عن مواصفات الزوجة المستقبلية بس تجي بخبرك بالتفصيل عنا
لأن صورتها لم تكتمل بعد

ورح اطلع أكيد من العالم السفلي مارح قضي عمري هيك

أحلى طباعي اني بقمة العصبية بمزح وبضحك
وأكثر شي بكرهو بحالي اني ما بكره شي فيني
هيك متواضع أنا

واسألي مثل ما بدك بيجيكي دور


ثمة عالم سفلي ما



الكونت

حياتك العاطفية كونت اذا ممكن

بكل سرور جار القمر
بشكل عام أنا مررت بتجربتان عاطفيتان كانت نهايتهما الفراق
اذا حابب تعرف تفاصيل يا ريت تحدد أسئلي لحتى جاوبك
حاليا أنا في حالة سكون


ثمة سكون ما


الكونت

كونت
شو اجمل لحطة مريت فيها بالتجربتين

الله حيّك جار القمر

أها من الأول هيك ..

يلا الكونت وين رحت تعال اعترف




سؤال عالماشي ..؟؟

شو يعني الكونت ؟ وليش اخترت ها الاسم ؟؟ وشو بيعنيلك ؟؟ وعشو بيدل ؟؟

الكونت كتب:ياسمين ايمتا بدك تروحي للدوام صرت اتمنى ما تعطلو يوم الجمعة

طيب شوفي العالم السفلي شو يعني
عندما يصبح الموت تكامل لأحزاننا تكون المفاضلة بين أسباب الاستمرار بالحياة قد وصلت الى طريق مسدود
وتلك حالة انعتاق الوقت من دورتة الطبيعيه
والارواح المتمردة هي التي تبقى في اعتلاجها حتى تكسر عقارب الساعة
و تصنع من غياهب الموت عالم آخر تستطيع فيه تكامل أخزانها دون موت

وبذلك تنفي صفة الولادة الجديدة عن المستقبل وتصبح الحياة امتداداً روحياً والالوهة رمز توحد مع الذات
وان اتحدت الروح مع عالم الحزن فليس هناك معنى للانكسار وسيصبح فقط التجدد هي الولادة
وهي امتداد للموت
يجب أن نلغي المسافة بيننا وبين الحزن حتى لانشعر به


هذا جوهر عالمي السفلي الذي يلغي التأرجح بين الاستمرار والتوقف ويصبح لديك خيار واحد
هو الاستمرار بالموت حتى تصل لولادة حقيقية لأنك تملك طموحاً وتسعى لتحقيقه
باختصار يعني
عندما نعيش واقع التفاؤل بخيالنا يصبح الموت صدمة
وعندما نعيش الموت يصبح التفاؤل حلم بالولادة
فلا تهمنا انكساراتنا في سبيل طموحنا
و تصنع من غياهب الموت عالم آخر تستطيع فيه تكامل أخزانها دون موت

أما عن مواصفات الزوجة المستقبلية بس تجي بخبرك بالتفصيل عنا
لأن صورتها لم تكتمل بعد

ورح اطلع أكيد من العالم السفلي مارح قضي عمري هيك

أحلى طباعي اني بقمة العصبية بمزح وبضحك
وأكثر شي بكرهو بحالي اني ما بكره شي فيني
هيك متواضع أنا

واسألي مثل ما بدك بيجيكي دور


ثمة عالم سفلي ما



الكونت

الكونت خيي ما تهون بس اتخلص الإجابة

جاوب على هذا السؤال :

اشرح ما تحته خط بالعربي الفصيح

هو تبرع للجلوس على كرسي الاعتراف
معناها لازم يتحمل صح جاس

الصديق جار القمر
أجمل اللحظات كانت تلك التي لم نعشها أو لم نصل اليها
كان الفراق حائلا


ثمة فراق ما



الكونت

يا خطي يا الكونت

جار القمر ما بتقصر انت

بس انتبهو يا جماعة جاييكن الدور هااااااا

هههههههههه الواحد بيحسب طريق الرجعة

شو الكنية كونت
على فكرة انا وانت جيران بالقرى

هل يحق لي ان أشارك في كرسي الاعتراف وأوجه اليك بعض الأسئلة ياكونت؟

هيااام يختي اسالي على راحتك . صرتي فرد من عيلتنا والك الأحقية أنك تشاركي بأي موضوع

وتسألي أي سؤال ... وعن الكونت بقلك اتفضلي , كلنا آذان صاغية ولحقي حالك قبل ما يخلص الاسبوع لأنو

الكونت ما عاد بيجاوب ولا على سؤال

مشكورة يااختي ياسمين كلك ذوق بدي اسأل الكونت عن مستوى تحصيله العلمي
وماهي وظيفته
وعن كنيته تأكيدا أحد الأسئلة المطروحة
وشكرا

يالله خيي رد لقلك والله الله يعينك قلبي معك
بس بدك تلحق لأن اذا ما رديت رح نممدلك قعدتك للأسبوع الجاي

العوافي يا غانمين
الكنية هيي دي كابريو
الكونت دي كابريو
نحنا متفقين انو في حق المحافظة على الاسم الحقيقي

أما بالنسبي لتحصيلي العلمي أنا دارس معهد تكنولوجيا أغذية ودرست كمان
تحاليل طبيه مخابر
والوظيفة الحالية فني مخبر بمشفى وطني

وهيك ياجماعة بيكون انتهى أسبوعي على الخير الله ستر يعني
وهلق رح اترك الكرسي للصديقة
نرجس
وين المحققين يلا بلشو أسألي أني رح أخذ يوم نقاهة وارجع أسأل كمان


ثمة افراج ما



الكونت

مساالخير نرجس كيفك؟ممكن؟
اسمك ولقبك؟
دراستك؟
عملك؟
ودمتي لنا

مبروك الافراج خيي الكونت
وها قعدي
اه يختي هيام تسلميلي يا رب
اسمي بين اصدقائي بنسيانا
ولقبي بنوسة
دراستي بكالوريا ادبي
عملي ربة منزل
وسلامتك

بنسيانا حكيلنا عن حياتك من الالف الى الياء

جار القمر كتب:بنسيانا حكيلنا عن حياتك من الالف الى الياء

تكرم خيي
الف اعيش في منزل
وياء يعيش معي زوجي وابني
وسلامتك
جار القمر حياة كل واحد فينا كتاب
وهون مو دار نشر هههههههههههههه
تحية لك صديقي يعني يا ريت تحدد السؤال سيدي المحقق

ههههاااااااااااااااااااااي
يعني وقعتي والله وقعك يا بنوسة
وجهزي حالك والله لتعوفي حالك من التحقيق

رح بلش أول شي بكم سؤال مبدئيا والخير لقدام

1 ــ متى أسعد يوم مر عليكي بحياتك ؟
2 ــ ما هي امنياتك ؟
3 ــ هل أنتي من النوع العصبي أو الهادء ؟
4 ــ هل أنتي راضية عن حياتك ؟

هلق بكفو هذول جاوبي وبعدين منشوف
وعلى فكرة رح نشغل جهاز الكذب يعني هلي ما بجاوب صح بصير الجهاز يزلغط ديري بالك

ههههههههههههه بيجيك يوم يا انور وبتقعد مطرحي

متى أسعد يوم مر عليكي بحياتك
كل واحد فينا بيمر علي موقف بيحس انو ها اسعد لحظة بحياتو بس ممكن هالشي يتغير لما يمر علي موقف ثاني بس اجمل يوم مر علي بحياتي لحد اسا لما مسكت ابني بين ايدي لاول مرة وبعديها لما فتحتت عيوني بعد العملية وصرت شوف مليح
ما هي امنياتك ؟
امنياتي كثيري وراح احكي بشكل عام اول شي
بتمنى لكل الناس الخير وبتمنى العلم تنسى اخطاء غيرا وتسامح بعضا
بتمنى حافظ على اصدقائي وما اذيهن و نظل سوا على طول ويسامحوني اذا غلطت مع حدا منن
وبتمنى لكل انسان عندو حلم يحققو بس بنور الله
ولكل مغترب يرجع لاهلو لان بعرف شو الغربي
وبتمنى ترخص الاسعار وتزيد الرواتب وفرص العمل وتقل هجرة الشباب
اما بالنسبة شو بتمنى لحالي بتمنى شوف اهلي واصدقائي قريبا وما بعد عنن مرة ثاني
والله يسامحني ويسامح الجميع على ذنوبنا والصحة والسلامي من الله للجميع
3 ــ هل أنتي من النوع العصبي أو الهادء ؟
ايوااا
اني مو عصبية ابداا كثير هادي ورايقة شوف شلون عم اضحك واني عم اجلي
لان بحب الجلي معلومك
عادي بس بحس حالي عصبية شوي منشان هيك محافظة على راشقتي وما عندي وزن زايد هههههههههه
هل أنتي راضية عن حياتك ؟
ما في شي اسمو رضى مطلق يعني في امور ممكن ما ترضيك بس بالمقابل في العكس ولازم الانسان يرضى بحياتو بكل الجوانب السلبية والايجابية حتى يقدر يعيش متوازن بشكل عام

يالله جاوبت طلوبولي كاسة شاي حلوي وع صندويشة فلافل وتفاحة صفرا وعليها خط احمر

لا بنوسة .. مش اسا كاسة الشاي والفلاقل .. جاوبي على أسئلتي بعملك مقلى كشك


_ عرفيلي الأمور التالية وفقاً لمفهومك الخاص :

* الموت ؟

* الحياة ؟

* الأمومة ؟

* الحزن ؟

* الفرح ؟

* الدين ؟

* الجمال ؟

* الروح ؟

بس بيكفوكي اسا هههههههه جاوبي لتاكلي يلا لشوف

راح موت من الجوع وين لجنة حقوق الانسان
امري لله
الموت " هو نهاية جسد لروح تنتقل لتعيش في جسد اخر الم الموت بالنسبة لي ان افقد احداا احبه
او مجرد التفكير بموته
الحياة " هي هبة الله للانسان وكل ما فيها يثير العجب ويحرض التفكير بما تحمل من تناقضات وتفاصيل يبقى على الانسان ان يؤمن بنفسه ويعرف ما الخير وما الشر حتى يعيش الحياة بشكل طبيعي
الامومة" هي مسؤولية قبل ان تكون اي شيئ اخر الامومة تحمل كل معاني العطاء بحب بشكل تلقائي
الحزن مثل الفرح حالة نفسية مؤقتة تزول بنهاية السبب ونعمة النسيان لها دور في تراجع الحزن واستقبال لحظات الفرح
الدين " عندما انتمي لدين معين فهذا مكان اختاره لي الله فيجب ان ادين لهذا الدين بالاحترام ومراعاة نظمه بما يرضى الله وليس بما يرضي شخصاا نصب نفسه على الناس اله يسمح ويمنع
على هواه اقدس دياناتي واحترم الديانات الاخرى
الجمال" روعة الجمال تاتي مع دوام الاعجاب وزياديته عندما ارى شخصااا جميل الهيئة اعجب به للحظة حتى ابدأ التفكير بتصرفات الشخص كلامه اسلوبه اي روحه فربما يزيد اعجابي او ينتهي
اذااا الجمال هو جمال روح الانسان وليس شكله او هيئته هذا من ناحية جمال شكل الانسان وروحه اما للجمال أفاق اروع لا ينتهي النقاش فيه
الروح " لاحول ولاقوة الا بالله العلي العظيم

بمأنو ليوم اني افراج راح حط مطرحي على الكرسي ميـــــــــــــــــــن
00000











00000000000000


















000000000000000









الاخت هيــــــــــــــــــــام تفضلي لو سمحتي علىالكرسي التحقيق بلش

راح نبلش بالاسئلة التقليدية
اسمك
عمرك
وضعك العائلي
عملك
هواياتك
هذول مبدأيااا
منورة الفرع اهلااا وسهلا يا شباب جيبو كاسة نعنع

شو شايف هيام هربت من التحقيق
وصار بدا دورية تجيبا
يالله وين الدوريات تجيبا وتقعدا على الكرسي

مساالخير
معقول اهرب ياجار القمر؟ أبدا والله وتكرم عينكم وأنا رح جاوب على أسئلتكم
اسمي هيام
عمري 50سنة
لم أتزوج لظروف عائلية منعتني من الزواج
أنا معلمة ابتدائي وحاليا أمينة مكتبة فب احدى المدارس في ريف دمشق

هواياتي :المطالعة والنت
وشكرا على كاسة النعنع ولو اني مابحبا بس بحب المتة
ومشكورة يابنسيانا
وبييجي دورك ياعاشق الجبل

يا هلا فيكي هيام

يلا دوري حقق :

مين دعاكي على المنتدى ؟ وكيف لاقيتي ؟

شو بتعنيلك الصداقة ؟ وشو أهم مرحلة بحياتك وليش ؟

شو بيعنيلك الدين ؟

وعرفيلي الحزن والسعادة ؟ والروح ؟

شو معنى اسمك ؟ وبتحبي ؟ وليش ؟ وشو ماخذي منو ؟

اسا بيكفي ههههههههههه يا هلا فيكي

جيبو المتي شباب

منورة الفرع يختي هيام وها احلى كاسة متي
بس بنا تجاوبي على اسئلة سموني \جاس\
كيف بتحيبها

مرحبا
شكرا لكماياسمين وبنسياناوانا بحب المتة وسط
اللي دعاني عالمنتدى الأخ سامر العطارولاقيتو بجنن يوجودكم فيه طبعا
الصداقة اهم شي بحياتي وبعتبرها كنزالنسبة الي وبالنسبة لأهم مرحلة بحياتي ماعندي مهم وأهم كلها مهمة ولها ذكرياتها الحلوة والمرة
الدين شيء مهم بحياتي لأنه دين الأجداد على الرغم من أني لست مقتنعة به كليا ولو خيرت بينه وبين دين آخر لاخترت الدين الآخر
الحزن بالنسبة لي هو الموت ولاأقدر على تحمله أبدا أبعد الله عنا جميعا الحزن والأسى
أما السعادة هي الحياة بالنسبة لي وأنا أحب أن أحيا دائما بفرح وسعادة وأبتعد عن كل مايزعجني واستغل يومي بأن أفعل به كل مايسعدني لأنه ملكي وغدا علمه عند الله عز وجل
اسمي معناه اعلى درجات العشق أو الابل العطشى وأكيد بحب اسمي لأن فيه عطش لكل شيء
للحب للحياة للسعادة وأنا ماخدة منو كل مايعنيه اسمي من عطش لكل شيء جميل
أتمنى أن أكون قد جاوبت على كل ماسألتي ياياسمين وشكرا لكي وكانت أسئلتك صعبة
وشكرا عالمتة والى اللقاء

يا مية هلا فيكي هيام وشكراً على الإجابات
بالنسبة للأسئلة حاولت سهلن شوي يعني بعد في أصعب

خرجي كون أنسة بشي مدرسة


الحركة خافة هالايام بالمنتدى ... وما حدا عبيسأل

هيام آخر كم سؤال :


لنشوف :
اجيبي :
مين شاعر المنتدى ؟؟
أكتر عضو مهضوم ؟
أكترمشاركة عالقة بذهنك ؟
أكثر موضوع بيعجبك ؟

jas كتب:يا مية هلا فيكي هيام وشكراً على الإجابات
بالنسبة للأسئلة حاولت سهلن شوي يعني بعد في أصعب

خرجي كون أنسة بشي مدرسة


الحركة خافة هالايام بالمنتدى ... وما حدا عبيسأل

لا والله مو خرجك تكوني آنسة
شفناكي بدروس الكوري عقدتينا
بس خرج تتفتحي شي فرع تحقيق
قال الحركي خافي
ليش عبتخلي دور لحدا اسم الله عليكي نشفتيلا ريقا للبنت
حرام ولو شو عملتلك هههههههههههههههههه

طيب هيام بعد ما تجاوبي على اسئلة الآنسة سمونة بتجاوبيني على هذول :

1 : هل تحبي أن تحتفلي بعيد ميلادك ؟ وتحبي ان يكون يوم عيد ميلادك يوم مميز ؟
2 : ما هو أسعد يوم مر عليكي في حياتك
3 : أكثر موقف محرج تعرضتي له
4 : ما هي امنياتك التي حلمتي في تحقيقها ولم تتحقق
5 : ما هي امنياتك المستقبلية
6 : ما رأيك بالحب وهل جربتي حياة الحب
خلص بكفو هذول اليوم بس بسرعة جاوبي لنلحق نسألك قبل ما يخلص اسبوعك

مرحبا
مشكورة ياياسمين عن جد بس ماتزعلي مني مو خرجك تكوني آنسة بعدين بخافوا الطلاب خرجك نكوني محققة بفرع الشرطة وتكوني حاطة نجوم على كتافك بنوقع بيلبقولك كتير
عم امزح معك انتي بتجنني ياسمينة
شاعر المنتدى سامر العطار
وأكثر عضو مهضوم والله الكل مهضومين بس بصراحة بشعر انو نرجس مهضومة كتير وكلماتها بجننوا
مافي مشاركة عالقة بذهني بس بتعلق بذهني مواضيع الحوارات والمناقشات وبحب شوف الردود والتعليقات عليها
بالنسبة لأكتر موضوع بيعجبني كل المواضيع بحب اطلع عليها وخاصة المواضيع العلمية
وشكرا ياسمينة الحلوة على اسئلتلك وانشاءالله كون رديت على اسئلتك بالشكل المطلوب

مرحبا أيسر
كيفك وشو أخبارك؟
أكيد مابليق فيني بعد هالعمر الاحتفال بعيد ميلادي ولكن كل عش ة آب مابشوف غير أولاد خيي واخوتي جايبينلي هدايا لذلك بضطرجيب ضيافة وضيفهم بس أكيد موقالب كيك

أسعد يوم مر عليي بحياتي يوم رجعوا بيت خيي من السفر
في مواقف كتيرة مرت معي بس مومتذكرتا ولكن من يومين قررت اطلع من المدرسة بكير بدون اذن لأني شفت المديرة طلعت بكير من المدرسة
ركبت سيارتي وطلعت واذ انا والمديرة وجها لوجه في الطريق فكان موقفا محرجا للغاية
حلمي الذي بم يتحقق مضحك للغاية
انا كل اسبوع بسحب يانصيب وتمنيت شي مرة ترد حقها بقى حلمي الذي لم يتحقق هو أن تربح شي مرة بحياتي شي ورقة يانصيب (شو رأيكم يهاالحلم؟)
أكثر أمنياتي المستقبلية انو الله يخليلي اهلي جميعا وموت بحيات الكل وماشوف ولاعلى واحد من عيلتي أذى
الحب شيء جميل في الحياة وأكيد جربت الحب وعشتووانا في حالة حب دائمة
شكرا أيسر عبى أسئلتك الصعبة أيضا وانت بيلبقبك تكون محقق كمان
ليش بعد في أسئلة؟؟؟؟

هيام كيف بتعبري عن نفسك بكلمة وحدي


ايسر

جار القمر كتب:هيام كيف بتعبري عن نفسك بكلمة وحدي


ايسر

ايوااااااااااااااانتتتتت يسعد الله اسا فهمت مين ايسر واني عبقووول يا بنت

مين هذا ايسر مش سامعة باسمو أتاريك انت جار القمر

عاشت الأسامي يا رب

مرحبا
والله عم تصعب هالأسئلة ياأيسربس تكرم رح جاوبك
أنا انسانة بسيطة بحب الحياة وبحب عملي وبحب كون دائما متميزة
بكره الأوامر ومافيني اتقبل أي أمر من أحد حتى لو كانت والدتي
ولما بحلم بشي لازم حققواوبضل اسعى من أجل تحقبقوولكني كسولة جدا ومابحب شغل البيت أبدا
يكفي هيك؟؟؟؟؟؟؟؟؟؟؟؟؟؟؟
شكرا أيسر

خلص هيك بكفي
بس بعد سؤال
شو بتعني الحياة لهيام

مساالخير
الحياة ياأيسر مسرح كبير تمثل على خشبته أدوارا مختلفة منها أ دوا ر الخير ومنها أدوار الشر
وفيها الحلو وفيها المروالانسان لازم يدوق المر حنى يشعر بالحلاوة ومع ذلك الانسان هو من يجعل حياته اما سعيدة او شقية
اتمنى ان تكون حياتك كلها بهجة وسرور

jas كتب:

جار القمر كتب:هيام كيف بتعبري عن نفسك بكلمة وحدي


ايسر

ايوااااااااااااااانتتتتت يسعد الله اسا فهمت مين ايسر واني عبقووول يا بنت

مين هذا ايسر مش سامعة باسمو أتاريك انت جار القمر

عاشت الأسامي يا رب

انا ايسر يا

ياسمين

كلك ذوق



بتوقع خلص اسبوع هيام نقو واحد جديد

شكرا الكم اللي تحملتوني طوال اسبوع مضى
وهلق بدعي جار القمر للجلوس على كرسي الاعتراف
وشكرا

يا حيالله بجارالقمرنورت الفرع والله يا ميت حيالله يالله لشوف
اسمك
وعمرك
وبلدك
هوايتك
شو اكثر شي بتحبو
وشو اكثر شي بتكرهو
شو رايك بالصداقة بشكل عام والصداقة بين الشب البنت خص نص
شو بتتمنى على لسنة الجديدة كل عام الجميع بالف خير مقدمااا
ايمت بتحس انك مظلوم وايمت بتحس انك ظالم
شو الندم بالنسبة الك
يالله جاوب واسامنطلبك شي تشربو ان نشف ريقك ههههه هذول بيكفو اسا