عضو في ورطة

في يوم من أيام تموز الحااارة .. وبالقرب من يوم ميلادي ..

ارتقصت حبال أعصابي على ألحان خفقات قلبي المتسارعة

وامتلكتني الشياطين بعد قرائتي للخبر على شاشة التلفاز بقناة

الجمهورية العربية السورية ..

( إلى الطلبة الأعزاء .. اليوم الساعة الرابعة نتائج امتحانات الثانوية العامة )


لقد غضبت الساعة مني .. من شدّة نظراتي الحادة لها ..

والثواني ملّت .. فأنا متفرّغة الآن لعدّها .. ثانية تلو الأخرى ..

النت مشغوول .. ولم أتمكن من الاتصال به لأعرف نتيجتي عبره

وحيدة في المنزل .. أمي بعيدة عني مسافات طويلة .. وأبي

ليس بالمنزل ..

جلست إلى جانب الهاتف .. وطلبت من صديقتي أن تتطلع على النتيجة ..

أقفلت الهاتف منتظرة هذه الصفحة الشبيهة بالسلحفاة كي تظهر وترى ما بداخلها ..

لم أكن خائفة .. ولا تمتلكني أية مشاعر .. ولكن كلما أسمع رنة الهاتف أجد قلبي

قد خفق بشدّة ومن ثمّ توقف عن الخفقان ..

فجأة رنّ الهاتف ...

_الو

_ سموووووووووووووونة ميتين وخشبة

_ بلا جد !! مناح !! يلا سكري لخبر ماما




اتصلت بماما

_ ماما ميتين وخشبة

_ ولي شو هالعلامات لي بخجلو !!

_ بجد ماما مش مناح ؟

_ كان لازم أكثر

شعرت بحاجتي للبكاء أقفلت الهاتف وجلست أبكي

وقررت أن أعيد البكالوريا لأحصل على نتيجة أفضل ..

بدأ العام الدراسي الجديد ..

وبدأت المعاناة الحقيقية ...

أول شهر بالسنة سجلت بمدرسة خاصة ..

( بدي أحكي بالعامية ههه حاسي حالي عبحكي مكسيكي ياللهول هههه )

بطلت م نالمدرسة لأنو بعرف المنهاج

تاني شهر .. استراحة

الشهر التالت .. سافرت بهدف السياحة والترفيه عن النفس منشان ارجع نشيطة أدرس

الشهر الرابع .. بعد رجوعي من السفر كان لازم ارجع وأخذ على الجو لأنو الامارات شوب

بس هون برد

الشهر الخامس ... قررت اقرا الرياضيات .. وبلشت فعلاً .. وأوقات دراستي كالآتي :

صباحاً بفيق الساعة تماني .. بدرس للعشرة .. العشرة كنت اسمع لفيروز بالتلفزيون

واشرب متي مع أهلي .. وقلقل شوي وناحر شوي

الادعش فوت على المطبخ الي ما كنت فارقو بنوب هههههههههههههه

الادعش ونص ارجع من المطبخ احضر المسلسل على سوريا الفضائية ( فترة المسلسل اليومي )

الطنعش وثلث يخلص المسلسل .. ارجع روح على المطبخ وأكل ..

الوحدة بلش دراسة .. التنتين خلص دراسة واتغدا هههه

بعد الغدا بيجي فترة القيلولة ... نام ي ساعتين تلاثي

فيق أقعد مع أهلي .. وطبعاً اسمع مية كلمة ويكشحوني لفوت ادرس

روح على المطبخ ... نقرش شوي وارجع روح على غرفتي

لاقي شوكولا وشيبس .. افتح الراديو واقعد اتسمع علي وأكل واتسلا ونقرش

المهم هييييييييك لتصير الساعة تسعة ونص انعس وفوت نام

صحيح اقلق نص الليل من كثر النوم بس المهم انو ما ادرس ..


خلص الشهر الرابع وأنا ما خلصت حط برامج .. كل يوم برنامج جديد

واليوم الي بعده ينفكس البرنامج بسبب التقصير وحط برنامج تاني

وهكذا ....

وهيك مرت الأيام .. وقضيتها أكل وهواش مع الأهل .. وأكل ومرعى وقلة صنعة

متل ما بيقول المثل

طبعاً هذا سببلي سمنة ( انصحت حوالي عشرة كيلو ) قولوا اسمالله

بس ما بخبي عليكن .. كانت أقرف أيام حياتي لأنو حس بأنو لازم ادرس

وجيب علامات أكتر من السنة الماضي . بس لما افتح الكتاب أشعر بقررررررف

وبإحساس مش طبيعي .. وكأنو في شي جواتي كل ما امسك الكتاب يقلي لا تدرسي

اجا شهر الانقطاع .. وانزنقت هذيك الزنقة ..

ما بخبي عليكن متت مية موتة وملييييييييييييييييييييييييييييييييييييييييييييييت وطقيييييييييييييت

وقررت أكتر من مرة انو معش بدي قدمها .. بس ارجع قول كيف يا ربي ما اني روحت سنة

كاملة .. و كبرت راس وعندت وإلا بدي عيد البكالوريا ..

كيف بالأخير رح قوول للناس اني مسحوبة .. وكل مسحوب مغلوب

لا يا بنت كفي واتكلي على الله وشو ما كانت النتيجة منيح ..

وها الي صار ..

اجا الامتحان ..

وبكل ثقة روح عم اضحك .. ومتفاءلي .. وفوت على قاعة الامتحان وكأنو رايحا شي زيارة


وكل ما قدم مادة وروح على البيت تقلي ماما شو ياياسمين

_ قلا ما بعرف

وهي طبعاً تنفجر من جوا .. وحس عليها قديش متضايقة

وقول بنفسي _ يا ربي يا أمي يا بعد عمري انتي لو بإيدي كنت أكلت الكتب أو كتبت رشيتات

بس لا إلي خلق أكل الكتب .. ولا إلى الجرأة إكتب رشيتات .. أو بالعكس ههههههههه

وهييييييييييييييييييك حتى اجا آخر يوم .. أجمل يووووووووووم بحياتي مع انه كنت مخبصا بلاوي

بالكيمياء .. إلا أنو كانت فرحتي ما بتنوصف لأنو معش في بكالوريا ..


رحت لعند رفيقتي .. و كان احساسي مابينوصف . أول مرة بروح وما معي كتاب وما بيكون مشغول

بالي لأنو لازم ارجع على البيت أدرس ..

ارجعت على البيت نمت وشبعت نوم لأنو وقت الامتحان ما نام ساعة على بعضا ...

فقت قعدت شوي حتى ارجع برمج حالي انو ما في دراسة .. فقتحت التلفزيون على راحتي

أول مرة بفتحو مش بالسرقة .. وعلى عيون الجميع ههههههههههه

وفتت على النت .. بس مش متل ما كنت فوت ..... بالسرقة كان أحلا بكثير ...

ومضت الأيام .. وطلعت النتيجة .. والحمدلله النتيجة مش متل ما اتوقعت ..


بس المهم سجلت الفرع الي بحبو ... خاص عام المهم وصلت للي بدي ياه ..

وحكايتي حكيتا وبعبكن خبيتا

أتواخذونيش على كثرة الحكي .. بس ورطة وبدي اطلع منها


اسا دوووووووووور مييييييييييييين ؟؟؟؟؟؟؟؟؟؟؟؟؟؟؟؟؟؟

الدور على ........

مهند ..

خيي يا مهند .. نحنا ما منعرفك غيري من خلال هالمنتدى ...

بس بدي تخبرني أول مرة طلعت فيها بالطيارة ..

شو كان شعورك .. وكيف حسيت ..

وشو فكرت طول فترة الرحلة ..

( بعتقد انك مسافر كني مني غلطانة !! )